يا مل قلبٍ ضاق من حر ما فيه
جر الونين ولا حدٍ فاطنٍ له
على الذي اقفا وعيني تراعيه
راح وختم قلبي بختمة سجله
ما يدري إن الحب شيّد مبانيه
ولا يدري ان الشوق يرثي محله
أراقب طيوفه وأتابع خطاويه
واصد عن جرح الحشا حشمةٍ له
واسامر النجمات والليل أسرّيه
مابين صمت وبوح والدمع اهله
واعاتب حروف الغلا يوم ترثيه
واطوي غلا ذكراه وارجع أفله
طالت على قلب المعنّا لياليه
والريق يابس والضوامي تبلّه
يا وجد حالي كل ما صحت لبيه
لبيه يا سارق غلا القلب كله
ما غيرك اللي شرّع القلب بيديه
ولا غيرك اللي شد قلبي وتلّه
يا عاذلين القلب ليه المشاريه
وقلوبكم رجم المعنّا تدله
لو تكثرون القول ما باح خافيه
ولا باح مكنونه على قلب خله
وما دام راسه حي والله معافيه
أنا بخير وضيقتي فدوةٍ له
..
.
ليست هناك تعليقات:
إرسال تعليق